Veer sjrieve zondaag 2 fibberwarie, 8x11 jubeleijem resepsie D’n Uul in häör sjpegeltent. Waat ein sjoon lekasie, zo midde in ós sjtad. Veur ’t kedo zeen veer truuk gegange in de tied. Want ein jubeleijem veur D’n Uul is ouch al 44 jaor ein jubeleijem veur ós Garde. In ‘t 44ste jubeleijem jaor, woor häöre veurgänger namelik Jos II Perey zaliger. ’t Is aan deze dorstlustige hoogheid te danke det veer ós Prinselik moge neume. Jos II Perey haet det indertied binne de Garde ongersjtreept met ein sjpeld die hae bie Blauw-Weiss in Köln haaj mitgenomme. Ein sjpeld die eine Uul op henj dreugt. Dees sjpeld wirt sjlechs op ein henjdje vol gelegeheje door de Kommandant van de, noe, Prinselikke Stadts-Garde gedrage. En juus net dees sjpeld höbbe veer geduplieseerd en es klein beeld aan de Stadsvastelaovend Vereniging D’n Uul aangebaoje , om so, wie ein sjoone regel in een bekint nummer zaet ‘om aan mien kienjer de geis door te gaeve’ det bezingt, de geis dae door Jos II Perey in det sjpeldje gelag is wiejer te gaeve.