De eerste vriedaag van oktober is de vriedaag wo op bie kefee Braam ‘ ’t Oktoberfest’ georganiseerd wirt. Deze aovond is ’t resultaat van ein samewirking tusse kefee Braam en de Prinselikke Stadts-Garde Faubourg St. Jacques. ’T Idee hiejachter is óm in ‘Tracht’ de sfeer van de grote Wiese in Münche nao Remunj te haole. Veur de meziek kieke veer gaer nao artieste oet de sjtreek, die eine mix kinne bringe van Duits, Nederlands en Limburgse meziek. In 2026, sjtinge Mariet en Oscar oppe bühne en waerde de zaal door Jordy van Wijmeren oppe kóp gezat. En ’t volgend jaor? Sjrief maar alvas 1 oktober in de agenda. De eerste groepe zeen al geboekt....zeen veer ós dan?